 |
 |
|
Historia
de O Bolo...
As primeiras noticias aparecen nos textos e fontes clásicas da época romana, concretamente Ptolomeo, aquí establecéronse un dos vinte e dous pobos dependentes do Convento Xurídico Asturicense con capital en Astorga, concretamente o pobo que se asentou nestas terras foi o dos Németas que ocuparían a zona do Bolo e a súa capital sería Volobriga. Tra-lo abandono da comarca polos romanos, a chegada de Suevos e Visigodos e a unificación político-relixiosa en tempo de Leovigildo e Recadero, debeuse vivir tempos de paz. No período das repoboacións non tivo un papel preponderante, debido á ausencia de asentamentos de ordes monásticas e por conseguinte a nula creación de mosteiros, aínda que puideron exercer a súa influencia: San Pedro de Montes, San Martín de Castañeda, Santa María de Cariacedo, Santa María de Acibeiro, San Julián de Samos, Celanova? Na época medieval edifícase o seu castelo, non se sabe de certo quen o funda. Uns atribúenos a raíña Dª Urraca filla de Afonso VIN, e outros o atribuían á filla desta, Sancha Raimundez. O febril patrocinio de construcións nos séculos XII e XII de tipo civil e militar ocorre nesta época en Galicia con motivo de protexer e dominar territorios para un mellor control. Tivo título
de condado e pertenceu ós Condes de Lemos.
|
